马桶系生活中嘅必须品，马桶嘅使用次数频繁，而且容易沾染尿渍、粪便等污物，如果无及时清理干净就会形成黄斑污渍，滋生细菌，影响人体健康。顽固污渍难以去除，亦系所有家庭主妇头痛嘅地方，以下装修佬同大家分享马桶嘅清洁窍门，希望帮到你。

1.梳打粉
将半杯梳打粉撒系马桶度，然后用滚水浸半个钟，可以清除较轻污垢，对于顽固黄色锈斑，将梳打粉撒系马桶内放置10分钟，然后用厕所刷清洗即可。 如果系顽固污渍，可搭配醋使用，充分浸透后用刷清洗，容易被忽略嘅马桶外侧底座，亦可用同样方法清洗后用布抹干，或用细钢丝刷沾梳打粉擦除。

2.可乐
将之倒入马桶浸一个钟，污垢一般就可以被清除，如果清除唔够彻底，可用刷刷除，可乐嘅柠檬酸可以将玻璃质地类陶瓷上嘅污渍消除。

3.洗头水
如果怕用盐酸类嘅厕所清洁剂刺激伤害小朋友，用洗头水亦足以清洁污糟嘅马桶，清洁方法同平时洗厕所一样，清洁效果一样，但刺激性低，仲无难闻气味。

4.白醋
将醋同清水混合倒入马桶，浸几个钟，再沖走便可，既可消毒，又有除臭效果。

5.清洁剂
对于马桶边缘所形成嘅黄色污垢，将旧袜绑系棍嘅一边，系马桶内放入适量的水，用马桶刷清洗一次后，再倒入小许清洁剂，用刷均匀后沖走，如果污垢严重，可再倒少许清洁剂浸半个钟后刷洗，每个星期一次。

6.番枧
用一块纱布或旧丝袜，将番枧装入后扎紧挂系马桶水箱度，番枧溶系水中，可以起到清洁马桶嘅作用，至于平时较易忽略嘅马桶外侧底座，应用清洁剂清洗一次，再用水沖洗干净，最后，干净抹布抹干便可。

7.巧除马桶水垢
洗手盘或马桶，经常黏水垢污渍，难以去除，可以利用耐水砂纸轻轻摩擦，会有意想不到嘅效果。

8.巧除马桶储水箱黄垢
造成黄垢嘅主要原因系来自水中嘅矿物质，如果产生黄斑嘅话，可用布塞住出水口，注入热水后再溶入少许漂白水，静置10分钟后再用刷刷洗。

9.去除马桶尿垢技巧
先将马桶内嘅水分排走，水分留得越少越好，然后将漂白水倒系厕所刷上伸进马桶内壁及底部曲颈各处，然后最少浸半个钟再用清水沖洗，黄渍同臭味就会随漂白水清除干净。装修佬提示，漂白水唔可以同任何酸性洗洁剂同时使用，以免产生氯气，造成危险。